Ótken táýlikte Qyrǵyzstanda 921 adamnan SOVID-19 tabylǵan, 42 adam qaitys bolǵan. Bul týraly 24 shildede densaýlyq saqtaý ministrligi habarlady. Elde virýs juqtyrǵandar 31 247 adamǵa jetken. 18 038 adam jazylǵan, 1 211 adam qaitys bolǵan. Qyrǵyzstan koronavirýs infektsiiasy juqqandar men belgileri koronavirýsqa uqsas pnevmoniiaǵa shaldyqqandardy birge eseptep keledi.
Juma kúni densaýlyq saqtaý ministrliginiń koronavirýs juqqan, biraq resmi statistikaǵa enbei qalǵan adamdar sanyn anyqtaýǵa kiriskeni belgili boldy. Bul týraly ministrlik málimetine súiengen Azattyqtyń Qyrǵyz qyzmeti habarlady.
Ministrliktiń ókili Ainýr Akmatovanyń aitýynsha, qazir elde 31 myńnan astam adamǵa virýs juqqan. Bul memleket halqynyń 0,5 paiyzyn quraidy.
"Zerthanalyq jáne klinikalyq-epidemiologiialyq jolmenen koronavirýs bary anyqtalǵan adamdar sany jalpy halyqtyń 0,5 paiyzyn quraidy. Simptomsyz aýyryp jatqandar da bar ekeni belgili. Olar ózin jaqsy sezingendikten meditsina qyzmetkerlerine júgingen joq. Halyqtyń qanshasy aýyryp, antidene qalyptastyrǵanyn bilý úshin Dúniejúzilik densaýlyq saqtaý uiymymen birge osyndai zertteýler júrgizile bastady" delingen ministrlik habarlamasynda.
Zertteý barysynda jeke menshik zerthanalarǵa júgingenderdiń immýnofermenttik analiziniń jiyntyǵy jinaqtalyp, aýrýdyń qanshalyqty taraǵany anyqtalady.
Buǵan deiin Qyrǵyzstannyń bas pýlmonogy denesi ysyp, tumaýmen aýyryp jatqandardyń da COVID-ke shaldyǵýy múmkin ekenin aitqan edi. Alaida ministrlik resmi statistikaǵa ádette aýrýhanaǵa jatqyzylǵandar ǵana enedi degen.
Buǵan deiin naýqastardyń jaqyndary men eriktiler aýrýhanalarda oryn joq bolǵandyqtan úide óz betinshe emdelip jatqandar bar ekeni, olardyń keibiri aýrýhanaǵa jetpei qaitys bolyp jatqanyn Azattyqqa habarlaǵan.
