Qyrǵyzstannyń Qazaqstan tarapynan gýmanitarlyq kómek alý qajettiliginiń ózektiligi joiyldy. Bul týraly respýblikanyń TJM baspasóz qyzmetiniń ókilderi taratqan málimdemede aitylady.
Vedomstvo ókilderiniń málimetinshe, qyrǵyz tarapynyń shuǵyl úndeýi biylǵy mamyr aiynda Osh oblysyndaǵy kóshkinge, qar kóshkinine jáne zilzalaǵa bailanysty bolǵan. "Alaida Qyrǵyz Respýblikasynyń úkimeti sheteldik seriktesterdiń qoldaýymen eldiń ońtústigindegi tabiǵi apattyń saldaryn jedel joidy. Osyǵan bailanysty Qazaqstan Úkimetine osy sheshimi úshin alǵys bildire otyryp, Qyrǵyz Respýblikasynyń Tótenshe jaǵdailar ministrligi qazirgi ýaqytta Qazaqstan Respýblikasynyń gýmanitarlyq kómeginiń qajettilik ózektiligi joiylǵanyn habarlaidy", - delingen habarlamada.
Eske salaiyq, Qyrǵyz Respýblikasyndaǵy tabiǵi-klimattyq jaǵdailarǵa bailanysty Qazaqstan Úkimeti kórshi memleketke gýmantarlyq kómek kórsetý týraly sheshim shyǵarǵan edi.
kórneki sýret: ntv.ru
