Qyrǵyzstan prezidenti Almazbek Atambaev Qazaqstannan 100 million dollar kómek alý týraly kelisimdi buzatyn zańǵa qol qoidy.
"Prezident "Qyrǵyzstan úkimeti men Qazaqstan úkimeti arasyndaǵy Qazaqstannyń 100 million dollar kóleminde tehnikalyq kómek kórsetý týraly kelisiminiń kúshin joiý týraly" zańǵa qol qoidy" delingen Qyrǵyzstan prezidenti apparatynyń búgin taratqan habarlamasynda.
Kelisimniń buzylǵany Almazbek Atambaev Qazaqstan basshylyǵynyń atyna kezekti ret syn aityp, sókken kúnniń erteńinde jariialanyp otyr.
Qyrǵyzstan syrtqy ister ministrligine belgilengen tártipte Qazaqstan úkimetine kelisim men ol týraly hattamanyń buzylǵanyn eskertý tapsyryldy.
Qazaqstan men Qyrǵyzstan úkimetteri arasyndaǵy ekonomikalyq integratsiia jaǵdaiynda ekonomikalyq yntymaqtastyqty damytý týraly kelisimge 2016 jyldyń 26 jeltoqsanynda Sankt-Peterbýrgtegi Joǵary Eýraziia ekonomikalyq keńesiniń jiynynda qol qoiylyp, biyl shildede Qazaqstanda ratifikatsiialanǵan.
Qazaqstan syrtqy ister ministrligi 24 qazanda Qyrǵyzstan Astanany atalǵan kelisimniń kúshin joiý protsesin bastaǵanyn eskertkenin habarlaǵan. Bishkek Qyrǵyzstannyń Qazaqstan qarjysyn alýǵa múddeli emesin málimdegen.
Qyrǵyzstan Qazaqstan kómeginen eki el arasyndaǵy qarym-qatynas nasharlai bastaǵan soń bas tartyp otyr. Qazaqstan 10 qazannan bastap Qyrǵyzstanmen shekaradaǵy tekserýdi kúsheitip, onyń saldarynan shekarada uzyn-sonar kezek paida bolǵan. Astana shekaradaǵy tekserýdi kúsheitýdi "Qyrǵyzstannan keletin kontrabandamen kúres" dep túsindirgen. Bishkek bolsa Qazaqstan jaǵy shekarada "qoldan kedergi jasap otyrǵanyn" aitady.
