Qyrǵyzstan azamaty 10 jyl boiy Qazaqstannan zańsyz zeinetaqy alyp kelgen, dep habarlaidy QazAqparat.
ShQO politsiia departamenti baspasóz qyzmetiniń málimetine súiensek, kóshi-qon qyzmetiniń mamandary qos azamattyǵy bar Ridder qalasynyń turǵynyn anyqtady.
Ol 2012 jyldyń maýsym aiynda Qyrǵyzstan Respýblikasynyń azamattyǵyn qabyldaǵan.
Biraq 10 jyl boiy qazaqstandyq zeinetaqyny alyp keldi.
«Tártip buzýshyǵa QR ÁQBtK-niń 496-baby 1-bóligine sáikes 100 AEK kóleminde aiyppul salyndy. Odan QR azamatynyń jeke kýáligi men pasporty tárkilendi», - dedi oblystyq PD bastyǵynyń birinshi orynbasary Eldos Zakimov.
Jyl basynan beri Shyǵys Qazaqstanda qos azamattyq úshin 19 adam jaýapqa tartylǵan.
QR zańnamasy boiynsha adam basqa eldiń azamattyǵyn alǵannan keiin kúntizbelik 30 kún ishinde qazaqstandyq úlgidegi pasport pen jeke kýálikti tapsyrýǵa mindetti.
