Búgin saǵat 15:00-der shamasynda «Kyrgyzkómúr» memlekettik kásipornynyń Kara-Keche filialyn 100-ge jýyq belgisiz adam basyp alǵan. Bul týraly Kabar agenttigi habarlady.
«Málimetke sáikes, kómir kenine shabýyldy qylmys áleminde «Saiaq» laqap aty bar M. Qadyrqulov uiymdastyrǵan. Olar kómir satýdan túsken 1,5 mln-ǵa jýyq somdy (8,13 mln teńge shamasynda) filialdyń kassa qyzmetkerlerinen tartyp alǵan. Sonymen qatar, filal direktory men bas injenerge qyzmetinen bas tartýǵa aryz jazýǵa májbúrlep, basshylyqty aýystyrýdy talap etken. Ken aýmaǵyna ruqsat qujatynsyz, ónimdi alýǵa aqsha tólemesten kóptegen mashina kirip-shyqqan», - dep habarlaidy kásiporyn.
Mekemeniń málimdeýinshe, kásiporyndy basyp alý jáne ónimin talan-tarajǵa salý eldegi jylý maýsymyna keri áserin tigizedi. Qazirgi ýaqytta kásiporyn basshysy Kanatbek Ashyrbaev eldiń Ulttyq qaýipsizdik komiteti, Ishki ister ministrligi, jańadan qurylǵan Qyrǵyzstannyń Úilestirý keńesine shara qabyldaý jóninde aryz joldady.
