Túrkiia elsheliginiń aldynda narazylyq jasap turǵan Orhan Inandynyń jaqtastary.
Qyrǵyzstan prezidenti Sadyr Japarovtyń baspasóz hatshysy Erbol Sýltanbaev "Orhan Inandyny urlap áketýine biliktiń qatysy bar degen boljam aqylǵa syimaityn nárse" dep málimdedi. Bul týraly Azattyq habarlaidy.
Ol Inandynyń joǵalǵany belgili bolǵannan keiin Sadyr Japarov quqyq qorǵaý organdaryna tiisti tapsyrma berdi dedi.
"Osyǵan deiin Orhan Inandyny úsh ret urlap áketýge áreket bolǵany, sońǵysynda arnaiy qyzmettiń ókilderi qutqaryp qalǵany belgili boldy. Arnaiy qyzmet oǵan oqqaǵarmen júrýge keńes bergen. Keshe (6 shilde - red.) syrtqy ister ministrligi Túrkiia elshisine narazylyq notasyn tapsyrdy. Olardan resmi jaýap áli kelmedi. Biraq olar Orhan Inandynyń Túrkiia azamattyǵynan shyqpaǵanyn, túrik azamaty ekenin aýyzsha jetkizdi" dedi prezidenttiń baspasóz hatshysy.
Jogorký keńesh 7 shildedegi otyrysynda Inandynyń joǵalýy, odan keiin elden jasyryn alynyp ketýine bailanysty kúsh organdarynyń málimetin tyńdady.
Tegi túrkiialyq qyrǵyz azamaty Orhan Inandy 1 shildege qaraǵan túni joǵalyp ketken. Onyń jaqtastary tabylýyn talap etip, birneshe ret narazylyq aktsiiasyn ótkizdi.
5 shildede Túrkiia prezidenti Rejep Taiyp Erdoǵan Inandyny Túrkiiaǵa jetkizilgenin jariialaǵan.
