1 sáýirde Qyrǵyzstan prezidenti Sooronbai Jeenbekov premer-ministrdiń orynbasary Altynai Omýrbekova men Densaýlyq saqtaý ministri Kosmosbek Cholponbaevty qyzmetinen bosatý týraly jarlyqqa qol qoidy.
31 naýryzda Jeenbekov koronavirýspen kúreste "durys jumys istemegeni" úshin respýblikalyq shtab pen densaýlyq saqtaý ministrligin synaǵan edi. Ol koronavirýspen kúreste qajetti deńgeide qyzmet atqarmaǵany úshin ministrler kabinetiniń keibir múshelerin jaýapqa tartýdy usynǵan.
Azattyq radiosy Qyrǵyz qyzmetiniń habarlaýynsha, premer-ministr Jogorký Keneshke (Qyrǵyzstan parlamenti. - red.) vitse premer-ministr qyzmetine depýtat Aida Ismailovany, al densaýlyq saqtaý ministri qyzmetine Respýblikalyq karantin ortalyǵy jáne asa qaýipti infektsiia ortalyǵynyń direktory - Sabirjan Abdikarimov usyndy. Kanidattardy atalǵan qyzmetke taǵaiyndaý jaiy aldaǵy ýaqytta Jogorký Keneshte talqylanady.
1 cáýir tańerteńgi derek boiynsha, Qyrǵyzstanda koronavirýs juqtyrǵan 111 adam bar. Onyń – 11 bala.
