Qyrǵyz Respýblikasy Prezidentiniń baspasóz hatshysy Tolǵanai Stamalieva Sooronbai Jeenbekov pen Premer-Ministr Sadyr Japarovtyń kelissózderi barysynda qandai máseleler talqylanǵanyn aityp berdi, dep habarlaidy Kabar agenttigi.
Onyń aitýynsha búgin Parlament eldiń Premer-Ministri laýazymyna Japarovtyń kandidatýrasyn bekitkennen keiin Sooronbai Jeenbekov pen Sadyr Japarov kezdesý ótkizgen.
«Premer-Ministr kezdesý barysynda óz talabyn qoidy – Prezident búgin keshke otstavkaǵa ketýi kerek. Sooronbai Jeenbekov dál qazirgi ýaqytta prezident laýazymyn tastap ketýge quqyǵy joqtyǵyn taǵy bir márte aitty, sebebi munyń arty memleketke ziian shekkizip, elestetýge qiyn jaǵdaiǵa aparyp soqtyrýy múmkin. Ol 2020 jyldyń 9 qazanynda aitqan ustanymyn eske saldy – parlamenttik sailaý ótkennen keiin eldiń jańa prezidentin sailaý ótedi», - dedi Stamalieva.
Eske salsaq, búgin Qyrǵyz Respýblikasynyń Prezidenti Sooranbai Jeenbekov «Qyrǵyz Respýblikasynyń Premer-ministri men Úkimet múshelerin taǵaiyndaý» týraly Jarlyqqa qol qoidy. Sondai-aq, Qyrǵyz Jogorký Keneshiniń tóraǵasy sailandy.
