قىرعىز رەسپۋبليكاسى پرەزيدەنتٸنٸڭ باسپاسٶز حاتشىسى تولعاناي ستاماليەۆا سوورونباي جەەنبەكوۆ پەن پرەمەر-مينيستر سادىر جاپاروۆتىڭ كەلٸسسٶزدەرٸ بارىسىندا قانداي مەسەلەلەر تالقىلانعانىن ايتىپ بەردٸ, دەپ حابارلايدى كابار اگەنتتٸگٸ.
ونىڭ ايتۋىنشا بٷگٸن پارلامەنت ەلدٸڭ پرەمەر-مينيسترٸ لاۋازىمىنا جاپاروۆتىڭ كانديداتۋراسىن بەكٸتكەننەن كەيٸن سوورونباي جەەنبەكوۆ پەن سادىر جاپاروۆ كەزدەسۋ ٶتكٸزگەن.
«پرەمەر-مينيستر كەزدەسۋ بارىسىندا ٶز تالابىن قويدى – پرەزيدەنت بٷگٸن كەشكە وتستاۆكاعا كەتۋٸ كەرەك. سوورونباي جەەنبەكوۆ دەل قازٸرگٸ ۋاقىتتا پرەزيدەنت لاۋازىمىن تاستاپ كەتۋگە قۇقىعى جوقتىعىن تاعى بٸر مەرتە ايتتى, سەبەبٸ مۇنىڭ ارتى مەملەكەتكە زييان شەككٸزٸپ, ەلەستەتۋگە قيىن جاعدايعا اپارىپ سوقتىرۋى مٷمكٸن. ول 2020 جىلدىڭ 9 قازانىندا ايتقان ۇستانىمىن ەسكە سالدى – پارلامەنتتٸك سايلاۋ ٶتكەننەن كەيٸن ەلدٸڭ جاڭا پرەزيدەنتٸن سايلاۋ ٶتەدٸ», - دەدٸ ستاماليەۆا.
ەسكە سالساق, بٷگٸن قىرعىز رەسپۋبليكاسىنىڭ پرەزيدەنتٸ سوورانباي جەەنبەكوۆ «قىرعىز رەسپۋبليكاسىنىڭ پرەمەر-مينيسترٸ مەن ٷكٸمەت مٷشەلەرٸن تاعايىنداۋ» تۋرالى جارلىققا قول قويدى. سونداي-اق, قىرعىز جوگوركۋ كەنەشٸنٸڭ تٶراعاسى سايلاندى.
