Qyrǵyz Respýblikasynyń Prezidenti Sooronbai Jeenbekov QR Prezidenti Qasym-Jomart Toqaevqa jáne Qazaqstan halqyna Almaty qalasy mańynda bolǵan ushaq apatyna bailanysty kóńil aitty, dep habarlaidy "Ult aqparat" Qyrǵyz Prezidentiniń resmi saityna silteme jasap.
«Almaty-Nur-Sultan áýe reisi apaty saldarynan qaza tapqan adamdar týraly habardy zor kúizelispen qabyldadyq. Qyrǵyz halqy men óz atymnan qaza bolǵandardyń otbasylaryna, týǵan-týystaryna qaiǵyryp kóńil aitamyn. Apattan zardap shekkenderdiń tezirek saýyǵyp ketýine tiltestik bildiremiz»,-delingen kóńil aitý jedelhatynda.
Aita keteiik, búgin tańda Almatydan Nur-Sultan qalasyna ushyp shyqqan ushaq radardan joǵalyp ketti.
Keiin 95 jolaýshysy jáne 5 ekipaj múshesi bar ushaqtyń apatqa ushyraǵany málim boldy.
Oqiǵanyń mán-jaiyn anyqtaý úshin ushaq qulaǵan aýmaqqa arnaiy komissiia ushyp shyqty.
QR Prezidenti Qasym-Jomart Toqaev ushaq apatyna kináliler zańǵa sáikes qatań jazalanatynyn málimdedi.
Elbasy Nur-Sultan Nazarbaev jolaýshylar ushaǵynyń apatqa ushyraýyna bailanysty kóńil aitty.
