Qyrǵyzstan prezidenti Almazbek Atambaev 2016 jylǵy tabys deklaratsiiasyn jariialady. Ol byltyr 1 million 246 myń som (18 myń dollar) paida taýyp, 8 million 385 myń som ("óz qarjysynan") jumsaǵan.
Qujatqa qaraǵanda, Atambaevtyń 2,7 gektar jerge salynǵan 116 sharshy metrlik ǵimaraty, 6,4 gektar egistigi bar. Qyrǵyz prezidenti OsOO NPF qoryn senimgerlen basqarady. Onyń jyljymaly múligi joq.
Deklaratsiia boiynsha, Atambaevtyń jaqyn týysy (kim ekeni aitylmaǵan) 2016 jyly jumys ornynan 250 myń som, dividend retinde 369 myń som, azamattyq-quqyqtyq kelisimderden 2,5 million som, salymnyń ósimi retinde 100 myń dollar paida tapqan.
Almazbek Atambaev 2015 jyly 1 million 298 myń som tabys taýyp, 34 million som jumsaǵan. Onyń jaqyn týysy sol jyly jumysynan 182 myń som, salymynyń ósiminen 112 myń dollar paida tapqan.
Almazbek Atambaev budan buryn "prezident bolǵanǵa deiin dollar mýltimillioneri bolǵanmyn" dep málimdegen.
