Qyrǵyzstan SIM qandai da bir oryndy másele bolmasa, óz azamattaryn Reseige barmaýǵa shaqyrdy. Buǵan deiin kóp qyrǵyzstandyqty Resei Federatsiiasynyń aýmaǵyna kirgizbei jatqany týraly aqparat bolǵan, dep habarlaidy "Ult aqparat".
Qyrǵyzstan SIM-niń resmi habarlamasyna sáikes, 2 mamyrdaǵy jaǵdai boiynsha respýblikanyń diplomatiialyq ókildigi men konsýldyqtarynan Qyrǵyzstan azamattaryn Reseige kirgizbei jatqanyna qatysty shaǵym túsken joq. Sonymen qatar, ministrlik qyrǵyzstandyqtarǵa Resei Federatsiiasyna ázirshe barmai turýǵa keńes beredi.
"Ministrlik Resei Federatsiiasyna barýǵa dáleldi negizder bolmasa azamattarǵa buryn engizilgen qosymsha qaýipsizdik sharalary men memlekettik shekara arqyly ótkizýdi kúsheitilgen baqylaý rejimi alynǵanǵa deiin el aýmaǵyna ýaqytsha barýdan bas tartýdy taǵy da usynady", — delingen QR SIM habarlamasynda.
Reseige barýy tiis Qyrǵyzstan azamattaryna Resei Federatsiiasyna kirýge qandai da bir shekteýler bar-joǵyn aldyn-ala tekserýge keńes berildi.
.jpg)