videodan alynǵan kadr
Qyrǵyzstan Syrtqy ister ministrligi Reseide taksist bolyp jumys isteitin qyrǵyzstandyqtyń soqqyǵa jyǵylýyna bailanysty málimdeme jasady.
3 tamyzda SIM taratqan málimdemede Qyrǵyzstannyń Reseidegi elshiligi zardap shekken qyrǵyz azamatymen habarlasyp, zań turǵysynan kómek berip jatqany aitylǵan.
«Taksist bolyp isteitin qyrǵyz azamaty 2023 jylǵy 18 maýsymda soqqyǵa jyǵylǵan. Zardap shegýshi elshilikke habarlaspady.
Osy oqiǵaǵa bailanysty elshilik zardap shekken azamattyń quqyǵy men múddesin qorǵaý úshin shara qoldanyp jatyr. Resei Syrtqy ister ministrligine resmi nota joldandy» - dep jazylǵan SIM málimdemesinde.
Munyń aldynda áleýmettik jelilerde jolaýshynyń taksistti judyryqpen urǵany jazylǵan video taraǵan. Buǵan taksistiń jolaýshyǵa salonda ishimdik ishýge ruqsat bermeýi sebep bolǵan. Zardap shegýshi politsiiaǵa shaǵymdanǵan, biraq ol mekemedegiler aryzyn qabyldamaǵan.
Qyrǵyzstan SIM jáne Qyrǵyzstannyń Reseidegi elshiligi máseleni baqylaýǵa alǵanyn habarlady.
