ۆيدەودان الىنعان كادر
قىرعىزستان سىرتقى ٸستەر مينيسترلٸگٸ رەسەيدە تاكسيست بولىپ جۇمىس ٸستەيتٸن قىرعىزستاندىقتىڭ سوققىعا جىعىلۋىنا بايلانىستى مەلٸمدەمە جاسادى.
3 تامىزدا سٸم تاراتقان مەلٸمدەمەدە قىرعىزستاننىڭ رەسەيدەگٸ ەلشٸلٸگٸ زارداپ شەككەن قىرعىز ازاماتىمەن حابارلاسىپ, زاڭ تۇرعىسىنان كٶمەك بەرٸپ جاتقانى ايتىلعان.
«تاكسيست بولىپ ٸستەيتٸن قىرعىز ازاماتى 2023 جىلعى 18 ماۋسىمدا سوققىعا جىعىلعان. زارداپ شەگۋشٸ ەلشٸلٸككە حابارلاسپادى.
وسى وقيعاعا بايلانىستى ەلشٸلٸك زارداپ شەككەن ازاماتتىڭ قۇقىعى مەن مٷددەسٸن قورعاۋ ٷشٸن شارا قولدانىپ جاتىر. رەسەي سىرتقى ٸستەر مينيسترلٸگٸنە رەسمي نوتا جولداندى» - دەپ جازىلعان سٸم مەلٸمدەمەسٸندە.
مۇنىڭ الدىندا ەلەۋمەتتٸك جەلٸلەردە جولاۋشىنىڭ تاكسيستتٸ جۇدىرىقپەن ۇرعانى جازىلعان ۆيدەو تاراعان. بۇعان تاكسيستٸڭ جولاۋشىعا سالوندا ٸشٸمدٸك ٸشۋگە رۇقسات بەرمەۋٸ سەبەپ بولعان. زارداپ شەگۋشٸ پوليتسيياعا شاعىمدانعان, بٸراق ول مەكەمەدەگٸلەر ارىزىن قابىلداماعان.
قىرعىزستان سٸم جەنە قىرعىزستاننىڭ رەسەيدەگٸ ەلشٸلٸگٸ مەسەلەنٸ باقىلاۋعا العانىن حابارلادى.
