IIM neǵurlym kriminogendik ýchaskelerde modýldik beketter ornatady, dep habarlaidy "Ult aqparat" vedomstvonyń baspasóz qyzmetine silteme jasap.
IIM halyqqa yńǵaily bolý úshin kriminogendik ýchaskelerde jáne quqyq buzýshylyqqa beiim jerlerde modýldik úlgidegi statsionarlyq politsiia beketterin ornatýdy josparlap otyr.
«Modýldik beketter barlyq kommýnaldyq jailylyǵymen (jeldetkish, sý qubyry, káriz, jylý), kommýnikatsiia (kompiýter, telefon, radiostantsiia) jáne qaýipsizdik (beinebaqylaý, «shaqyrý domofony» júiesi) júielerimen jaraqtandyrylady. Osyndai bekette politseiler táýlik boiy qyzmet kórsetedi. Tańǵy 8.00-den keshki 20.00-ge deiin ýchaskelik politsiia inspektory bekette bolady jáne azamattardyń ótinish-aryzdaryn qabyldaidy» delingen habarlamada.
Kúzet oryndary men irgeles aýmaqtarda quqyqtyq tártipti jáne azamattardyń qaýipsizdigin qorǵaý úshin patrýldik qyzmettiń kezekshiligi uiymdastyrylady.
Bul jańalyq azamattardyń ótinishterine politsiianyń ýaqytyly jáne sapaly áreket etýin qamtamasyz etedi, olardy qylmystyq qol suǵýshylyqtan qorǵaý tiimdiligin arttyrady dep kútilýde.
Modýldik úlgidegi statsionarlyq beketter jergilikti atqarýshy organdardyń járdemimen qylmys jii jasalatyn jerlerge ornatylady.
