Qazaqstandyq belgili ánshi ári prodiýser Qydyráli Bolmanov karikatýra avtory Murat Dilmanovpen kezdesý týraly oiynan ainydy, - dep habarlaidy "Ult aqparat" kaz.tengrinews.kz portalyna silteme jasap. Prodiýserdiń zańgeri Amanbol Ábeýovtiń aitýynsha, onymen kezdesýden nátije shyqpaidy.
Aita keteiik, Qydyráli Bolmanov osyǵan deiin karikatýra avtorymen kezdesýdi josparlaǵan bolatyn. Alaida Murat Dilmanov proiýserden keshirim suramaitynyn málimdegen edi.
"Eger ol (Dilmanov - avtor) Qydyráliden keshirim suramaityn bolsa, onymen kezdesýdiń ne qajeti bar? Bastapqyda onymen kezdesý josparlanǵan bolatyn, biraq kezdesýden bir qorytyndy bolý kerek qoi (...). Biraq ol adam karikatýra úshin keshirim suramaitynyn málimdedi. Bul másele sottyń sheshimimen aiaqtalatyn shyǵar", - dedi Amanbol Ábeýov.
Al karikatýra avtory prodiýserden keshirim suramaitynyn taǵy da aityp ótti.
Aita keteiik, osyǵan deiin Bolmanov Jelide tarap júrgen karikatýrany bóliskenderdi oi órisi tar adamdar dep ataǵan edi. "Men eshkimge naqty eshteńe aitqan joqpyn, kelip, naqty surasa, jarty saǵattyń ishinde túsindirip berer edim. Kelgen adam óz pikirin mindetti túrde ózgerter edi. Tereńirek oilap kórsek, bul blogerler men synshylar oi órisi tar adamdar", - dedi belgili ánshi ári prodiýser.
Al keiinirek prodiýserdiń karikatýra salǵan sýretshini sotqa beretinihabarlanǵan edi. Ártis sýretshiden qoǵam aldynda keshirim suraýyn talap etken bolatyn. Sondai-aq, Qydyráli Bolmanov Tengrinews.kz tilshisine bergen suhbatynda sýretshimen kezdesýge daiyn ekenin jáne Dilmanovpen kelissóz júrgizgisi keletinin málimdegen bolatyn.
