Qujattarynyń merzimi ótken sheteldikter 5 maýsymǵa deiin Qazaqstan aýmaǵynan shyǵýy tiis. Bul týraly Polisia.kz portaly aqparat taratty, dep habarlaidy "Ult aqparat".
Portal málimetinshe, Almaty qalasynyń kóshi-qon qyzmeti jol júrý qujattary, Qazaqstan Respýblikasynyń vizalary jáne ýaqytsha turýǵa ruqsattyń merzimi ótip ketken nemese merzimi aiaqtalǵan sheteldikter men azamattyǵy joq adamdardyń ákimshilik jaýapqa tartylmai-aq elden shyǵýyn zańdastyrý jáne ruqsat berý sheshimi osy jyldyń 5 maýsymynda aiaqtalýy tiis. Mundai sheshimdi 2020 jylǵy 29 jeltoqsanda Qazaqstanda koronavirýstyq infektsiianyń paida bolýy men taralýyn boldyrmaý jónindegi vedomstvoaralyq komissiia qabyldaǵan bolatyn.
«Sheteldikter men azamattyǵy joq adamdardy elden shyǵarý týraly sot sheshimin derbes oryndaý merzimi qaita bastaldy. Osyǵan bailanysty, sheteldikter men azamattyǵy joq adamdar qoldanystaǵy zańnamaǵa sáikes ýaqytsha turýǵa ruqsat alý nemese qajetti sanattaǵy vizany alýy arqyly óz mártebesin retteýi nemese Qazaqstan Respýblikasynan 2021 jyldyń 5 maýsymyna deiin ketýi qajet» – dedi Kóshi-qon qyzmeti basqarmasynyń bastyǵy Ashat Býtýnchinov.
