Ádilet ministri Qanat Mýsin Qazaqstanda jańa partiialardyń tirkelýi týraly suraqqa jaýap berdi, - dep habarlaidy Tengrinews.kz.
Qanat Mýsinniń aitýynsha, tirkeýge úsh tarap qujat tapsyryp jatyr.
"Olardyń arasynda "El tiregi" jáne "Baitaq" bar. Biraq olardyń qujattary birneshe ret qaitaryldy. Uiymdastyrý tobynda ár adamnyń derekteri kórsetilýi kerek. Keibir jaǵdailarda adamdardyń JSN sáikes kelmeidi, al keibir jaǵdailarda qaitys bolǵan adamdar uiymdastyrý tobynyń tizimine engizilgen. Osy jaǵdai basqa partiialardyń múshelerinde de kezdesedi. Bul adamdardy zań boiynsha tizimnen shyǵarý kerek", - dedi ministr Senat aiasynda.
