QR Aýyl sharýashylyǵy ministri Erbol Qarashókeev qant baǵasy kúzge qarai túsedi degen boljam aitty. Biraq ol úshin ákimdikter ónimdi turaqtandyrý qory arqyly ózindik qunynan arzanǵa satý tájiribesin doǵarýy kerek, dep habarlaidy QazAqparat.
«Resei Federatsiiasynyń boljamynsha, qyrkúiek aiynan bastap qant eksporty ashylmaq. Óitkeni biyl qyzylsha shyǵymy da qajetti deńgeide bolady degen jospar bar. Sondyqtan shilde, tamyz ailarynda qant baǵasy joǵary bolatyn shyǵar. Odan keiin birtindep baǵa túsip, naryqtaǵy ahýal qalypqa túsedi dep oilaimyn», – dedi Qarashókeev ortalyq kommýnikatsiialar qyzmetindegi brifingte.
Aitýynsha, bul boljam oryndalýy úshin jergilikti ákimdikter naryqty saýatty rettei alýy qajet.
«Qazirgi uzyn-sonar kezek pen dúrbeleńniń bári arzan qanttyń ainalasynda týyndap otyr. Tipti qyrkúiek aiynda da qantty syrttan ákelip, azǵantai bóligin ózindik qunynan tómen baǵamen satýdy jalǵastyrsaq, dúrbeleń de jalǵasady. Sondyqtan qantty ózindik qunynan arzanǵa satyp, dúrbeleń týǵyzýdy toqtatqan kezde-aq másele sheshimin tabady. Shilde aiynda elge ákelinetin, zaýyt shyǵaratyn qanttyń kólemin esepke alsaq, ailyq qajettilikti 150 paiyz jabamyz. Tamyzda bul kórsetkish 170 paiyzǵa deiin jetedi», - dedi ministr.
