Mysyrda iz-tússiz joǵalyp ketken qazaqstandyq Qanat Beriktiń aǵasy inisiniń dini aǵymdarǵa erip ketkeni jaily boljamdy joqqa shyǵardy, - dep habarlaidy kaz.tengrinews.kz tilshisi.
"Negizinde olar namaz oqidy, biraq fanatizmderi joq. Kairge ketpes buryn Qanatpen Skype arqyly sóileskenmin. Ol da osyndaidan qaýiptenetin. Bul eldegi qaqtyǵystardyń ushy tiip ketpesin dep. Óitkeni ol eldegi esh tarapqa jaqtas bolmaǵan. Qazaqstan ustanǵan pozitsiiada boldy, eshqaida bas suqpaityn, eshqandai dini aferalarǵa. 100 paiyzǵa senimdimin jáne Elaman Jazylhan týraly aitarym da sol", - deidi joǵalyp ketken jigittiń aǵasy Aibol Isabek.
Onyń aitýynsha, Qanat pen Elaman Kairde birge turyp jatqan tórt jigitpen buryn tanys bolmaǵan. Kairge eki aiǵa ketken. Ekeýi de - Abylai han atyndaǵy Qazaq halyqaralyq qatynastar jáne álem tilderi ýniversitetiniń magistranttary. Joǵalyp ketken jigitterdiń otbasy ýniversittegi kýratormen sóilesken, biraq ol da eshteńe bilmeitin bolyp shyqty.
Qanat Beriktiń aǵasy qazaqstandyqtar turyp jatqan úidiń kúzetshisi olardy áskerilerdiń alyp ketkenin kórgeni týraly aqparattyń baryn aitady.
"Forma kigender alyp ketti degen aqparat bar. Biraq qandai forma ekeni naqty belgisiz. Úidiń kúzetshisi kórgen", - deidi Aibol Isabek.
Munyń aldynda jigitterdiń Mysyrǵa 11 shildede attanǵany, aldymen Almatydan - Shardjaǵa, keiin Aleksandriiaǵa ushyp ketkeni belgili bolǵan. Elge jetken kezde elshilikte tirkelgen, al 20 shildede bailanysqa shyǵýyn toqtatty.
Aibol Isabektiń sózinshe, Mysyrdaǵy Qazaqstan konsýly olardyń qaida ekenin áli bilmeidi.
