Kúzde Almatyda 250 myń jasyl jelek otyrǵyzylady, dep habarlaidy "Ult aqparat".
«Biz kóktemde 8 myńǵa jýyq aǵash pen 110 myń gúlzar otyrǵyzdyq. Kúzde 250 myń jasyl jelek otyrǵyzýdy josparlap otyrmyz, onyń 218 myńy - japyraqty aǵashtar, 4 myńy - qylqan japyraqty aǵashtar», - dedi Almaty qalasy ákiminiń birinshi orynbasary Erlan Qojaǵapanov Almatydaǵy ekologiialyq jaǵdaidy talqylaý barysynda.
Óz kezeginde, Ekologiialyq retteý jáne baqylaý komitetiniń tóraǵasy Zulfyhar Joldasov búgingi tańde Almatyda 2,2 millionǵa jýyq jasyl jelek bar ekenin atap ótti.
Qazirgi tańda, Almatyda jasyl jelek alańdarynyń aýdany - 1 427 gektar. Bul kórsetkishti 2 myń gektarǵa jetkizý qajet. Al aǵashtardyń sanyn 3 millionǵa deiin kóbeiti josparlanǵan.
