Foto: depositphotos.com
Ózbekstan BAQ betterinde Tashkent oblysy Aqqorǵan aýdanynda 23 jastaǵy kelin kúieýi, abysyny jáne enesi tarapynan aiaýsyz soqqyǵa jyǵylyp, komaǵa túskeni týraly habarlanǵan. Keshe, 24 qańtar kúni, áiel alǵan jaraqattarynyń saldarynan qaitys boldy. Bul týraly oblystyq Ishki ister basqarmasynyń baspasóz hatshysy Babýr Tulaǵanov málimdedi, dep habarlaidy Ult.kz.
"Ókinishke qarai, 23 jastaǵy áielge kórsetilgen meditsinalyq em-domdarǵa qaramastan, ol búgin aýrýhanada kóz jumdy. Tashkent oblysynyń Ishki ister basqarmasy marqumnyń týystaryna shynaiy kóńil aityp, qaiǵylaryna ortaqtasady", – delingen habarlamada.
Habarlamada bul jaǵdai jábirlenýshiniń ólimine ákelgendikten, qozǵalǵan qylmystyq is Ózbekstan Qylmystyq kodeksiniń 1261-baby (otbasylyq turmystyq zorlyq-zombylyq) 8-bólimi "g" tarmaǵy boiynsha qaita tergelip jatqany aitylǵan, tergeý jumystary jalǵasýda.
.jpg)
