Qurmanǵazy atyndaǵy Qazaq memlekettik akademiialyq halyq aspaptary orkestri 2016 jyldyń 20 jeltoqsany kúni Qazaqstannyń halyq artisi, Memlekettik syilyqtyń laýreaty, «Parasat» ordeniniń iegeri, kúishi, kompozitor Qarshyǵa Ahmediiarovtyń 70 jyldyǵyna arnalǵan «Kúi Qarshyǵa – kúi ǵumyr» atty eske alý keshin ótkizedi.
Qurmanǵazy orkestrinde dombyrashy, keiinnen kontsertmeister qyzmetterin atqarǵan Qarshyǵa Ahmediiaruly qaitalanbas talant iesi, tókpe kúi ónerine qanat bitirgen, kúi murasyn saf qalpynda jetkizgen kúishi. Qazaqtyń kúiine qudiret, úlken rýh bitirgen dáýlesker kúishiniń týǵanyna biyl - 70 jyl.
Rýhani is-sharanyń basty maqsaty – kúishiniń salyp ketken sara jolyn, rýhani bai murasyn jas urpaqqa nasihattaý.
Atalmysh keshke: Qazaqstannyń halyq artisi – Ǵafiz Esimov, Qazaqstannyń eńbek sińirgen qairatkeri – Aigúl Qosanova, «Daryn» Memlekettik jastar syilyǵynyń iegeri – Batyrjan Myqtybaev, Mádeniet qairatkerleri – Turarbek Hairaliev, Hales Kapizov, Halyqaralyq jáne Respýblikalyq konkýrstardyń laýreattary – Saltanat Qudaibergenova, Abai Qoishybaev, Venera Alpysbaeva, Abylai Tilepbergenov, Tólegen Rahymbaev, Timýr Tileýqabylov, Janargúl Sárkenova, Aqtoty Ahmediiarova jáne T.Júrgenov atyndaǵy Qazaq ulttyq óner akademiiasynyń stýdentteri qatysady.
Orkestrdiń bas dirijeri «Daryn» Memlekettik jastar syilyǵynyń iegeri Arman Júdebaev, dirijerlar Qazaqstannyń eńbek sińirgen qairatkerleri Jamaǵat Temirǵaliev, Janas Bekenturov.
Kontsertti júrgizýshi - Mádeniet qairatkeri Turarbek Hairaliev.
