Video avtory — paraplanshy Aleks Leng, ol álemniń keremetteriniń birin áýeden túsirýdi uiǵarǵan.
Giza piramidalaryna, sonyń ishinde Heops piramidasynyń shyńyna kóterilýge qatań tyiym salynǵan. Sondyqtan týrister kóbinese paraplan jaldap, ejelgi qurylystardy áýeden kórýdi jón sanaidy.
14 qazanda video túsirý kezinde britandyq týrist Heops piramidasynyń shyńynda itti baiqap qalǵan. Aita ketý kerek, Giza piramidasynyń biiktigi 139 metr.
Paraplanshynyń aitýynsha, qańǵybas it sol biikke shyǵyp alyp, qustardy úrkitip júrgen. Leng bul videony instagramǵa júktep, birneshe kún ishinde 700 myńnan astam laik jinady.
Qazirgi ýaqytta ittiń taǵdyry belgisiz. It tómenge túse aldy ma, joq pa, belgisiz. Sondai-aq, onyń shyńǵa qalai shyqqany jáne qansha ýaqyt bolǵany týraly da aqparat joq.
