Jambyl oblysynda shańdy daýyldan keiin birqatar aýdandar jaryqsyz jáne kógildir otynsyz qaldy, dep habarlaidy QazAqparat.
Keshe keshke jeldiń sekýndyna 30 metr jyldamdyqpen soǵatyny týraly eskertý jariialanǵan.
Áleýmettik jelilerde Tarazdaǵy №47 mekteptiń qasynda oqýshylardyń ústine aǵash qulaǵany týraly habarlandy.
Qazirgi tańda daýyldyń saldarynan «Solnechnyi» kenti, Arai, Býryl, Qarasai, Baryshan alqabtary, Sabalaqov, Beibitshilik, Chernysheva, Asqarov kóshesiniń aiaǵy, shalǵai Qarasý, Shóldala, 28 saiajai, Qoigeldi, Qazybek bi, Qonaev, Baizaq batyr, Komratova, 1, 2, 11, 4 móltek aýdandar, Himposelok, qan ortalyǵy, qalalyq aýrýhana mańy, 5 emhana, Nietqaliev kóshesiniń aiaq jaǵyndaǵy úiler elektr energiiasynan ajyratyldy.
Taraz qalalyq elektr jelileri kásiporndynyń 22 brigadasy osy apatty joiý jumysyna jumyldyrylǵan.
Odan bólek, qatty jelden eldimekenderdegi úilerdiń qorshaýy qulap, aǵashtar synyp jatyr. Daýyl qulatqan aǵashtar kóshedegi gaz qubyrlaryna zaqym keltirdi.
Apatty jaǵdai bolmas úshin gaz qyzmetkerleri zaqymdanǵan qubyrlarǵa gaz berýdi toqtatyp jatyr. Jeldiń saldarynan gaz qubyrlaryna aǵash, úi qorshaýlary men shatyrlary qulaǵan.
Saǵat 12.00-ge deiin Taraz qalasynda gaz qubyryn qulatqan 25 oqiǵa, Jambyl aýdanynda 16 oqiǵa, Jýaly men Baizaq aýdandarynda gaz qubyryna aǵash qulaý saldarynan gazdan ajyratýdyń bir-bir oqiǵasy tirkeldi.
Apat oryn alǵan jerlerdi qalpyna keltirý jumystaryn júrgizý ázirge múmkin emes.
Jeldiń kúshi saiabyrlaǵan soń ǵana gaz mamandary qulaǵan qubyrlardy qalpyna keltirip, gaz berýmen ainalysady.
Eske sala keteiik, biz buǵan deiin Jambyl oblysyndaǵy qatty daýyl qalalyq infraqurylymǵa aitarlyqtai zardap tigizgenin jazǵan bolatynbyz.
