Aqmola oblysynyń taǵy bes aýdanynda qus tumaýy anyqtaldy, dep habarlaidy "Ult aqparat".
Oblystyq veterinariia basqarmasy basshysynyń orynbasary Talǵat Júnisovtyń aitýynsha, óńirdiń bes aýdanynda qus tumaýy rastaldy. Bul - Astrahan (Staryi Kolýton), Bulandy (Voznesenskoe jáne Nikolskoe aýyldary), Atbasar Qosbarmaq aýyly), Egindikól jáne (Spiridonovka jáne Abai aýyldary), Zerendi aýdandary (Qarlykól aýyly).
«Zerthanalyq zertteý nátijesi boiynsha bul eldi-mekenderde qus tumaý rastaldy. Karantin mindetti turde jariialanady, alaida, bul áp sátte qolǵa alynatyn sharýa emes. Ár aýdannyń bas memlekettik inspektorlary aýyldyq okrýg ákimderiniń atyna usynys jasaýlary kerek. Ol tirkelip, keiin Aýyl sharýashylyǵy ministrligine, veterinarlyq baqylaý jáne qadaǵalaý komitetiniń tóraǵasy karantin engizip, ony ótkizý úshin qarajat bóledi. Jalpy, búgingi kúni bizde 11 aýdanda 1104 qustyń ólgeni tirkeldi», - deidi Talǵat Júnisov.
Budan bólek, Shortandy aýdanyndaǵy Bektaý aýylynda, Tselinograd aýdanyndaǵy Jarlykól aýylynda, Sandyqtaý aýdanyndaǵy Jylandy aýylynda, Jaqsy aýdanyndaǵy Qalmakól jáne Novokienka aýyldarynda, sondai-aq, Aqkól aýdanynda shamaly qustyń ólgeni anyqtaldy. Bul aýdandarda qustyń qyrylý sebebi anyqtalady.
