Qus tumaýynyń órshýine bailanysty Qazaqstannyń tórt oblysyna 1 015 518 vaktsina berildi, dep habarlaidy "Ult aqparat".
Aýyl sharýashylyǵy ministrliginiń málimetinshe, qus tumaýyna qarsy vaktsinamen qamtamasyz etý jumystary júrgizilip jatyr.
«Janýarlardyń asa qaýipti aýrýlarynyń aldyn alý boiynsha 2020 jylǵa bekitilgen veterinariialyq is-sharalar josparyna sáikes, jyl basynan beri qus tumaýyna qarsy vaktsinalardyń 3 377 900 dozasy taratyldy. Qus tumaýynyń tirkelýine bailanysty respýblikalyq qordan qosymsha 1 359 148 doza vaktsina bólindi (SQO - 873 myń doza, Qostanai oblysyna – 21 myń, Pavlodar oblysy – 465 myń doza)», - dep habarlaidy ministrlikten.
Sondai-aq, 2020 jyldyń 22-23 qyrkúieginde óńirlerge qosymsha 1 015 518 vaktsina berilgen:
- Aqmola oblysy - 510 300 doza;
- Qostanai oblysy - 345 218 doza;
- Qaraǵandy oblysy-100 000 doza;
- Jambyl oblysy - 60 000 doza.
Sondai-aq, qosymsha 699 355 vaktsina satyp alynǵan. Olar 1 qazanǵa deiin jetkiziledi.
Eske sala ketsek, búginde qus tumaýy tirkelgen oblystardyń sany jeteý boldy.
