Elimizde qus tumaýy boiynsha 113 mln teńgeden astam ótemaqy tólendi, dep habarlaidy "Ult aqparat" QR AShM baspasóz qyzmetine silteme jasap.
Eske salsaq, joǵary patogendi qus tumaýynan elimizdiń 7 oblysynda, iaǵni Aqmola, Shyǵys Qazaqstan, Jambyl, Qaraǵandy, Qostanai, Pavlodar jáne Soltústik Qazaqstan oblystarynda qustardyń ólimi tirkelgen bolatyn. Eń kóp qanattylardyń ólimi SQO-da baiqaldy. Qazirgi ýaqytta jeke aýlalarda qustardyń ólimi tolyq toqtady dep aitýǵa bolady. Sońǵy 2 aptada jeke qosalqy aýlalarda jańa jaǵdailar tirkelgen joq.
Jalpy, karantindi, dezinfektsiialaýdy, vaktsinatsiiany jedel engizýdiń, sondai-aq ólgen jáne aýrý qustarmen bailanysta bolǵan qustardy joiýdyń arqasynda aýrýdyń taralýy toqtatyldy. Qazir respýblika boiynsha indetten ólgen qustardy joiý sharalary jalǵasýda, qus ielerine ótemaqy tólenip jatyr.
Jeke qosalqy sharýashylyqtarda joǵary patogendi qus tumaýynyń saldarynan 26 547 bas, al úsh qus fabrikasynda – 860 306 bas («Beskól qus fabrikasy» JShS, «Agrointerptitsa», «Adel-kýs») óldi.
Osylaisha, ólgen jáne joiylǵan qustyń úlesi Qazaqstandaǵy qustardyń jalpy sanynyń 1,8%-ynan aspaidy. Aita ketsek, elimiz boiynsha 46,7 mln qus tirkelgen.
«Veterinariia salasyndaǵy normativtik quqyqtyq aktilerdi bekitý týraly» QR Aýyl sharýashylyǵy ministriniń 2014 jylǵy 30 qazandaǵy № 7- 1/559 buiryǵyna sáikes oblys ákimdikterine 2020 jylǵy 7 qazanda ótemaqy alý úshin qus ósirýshilerge qujattar paketin qalyptastyrý úshin kómek kórsetý qajettiligi týraly hattar jiberildi.
Búginde QR AShM Veterinariialyq baqylaý jáne qadaǵalaý komitetiniń «Respýblikalyq epizootiiaǵa qarsy otriad» RMM-si 28 864 bas qus úshin 113 mln teńgeden astam qarajat tóledi. Al, Soltústik Qazaqstan oblysynyń turǵyndaryna 15 693 bas qus úshin 74,5 mln teńgeden astam qarjy tólendi. Bul qus tumaýynan ólgen qustar úshin arnalǵan barlyq ótemaqy tólemderiniń 73%- na jýyǵyn quraidy.
Aita ketý kerek, qazirgi ýaqytta óndiriste 1 817 bas qus úshin tólem qujattary bar. Qujattardyń túsýine qarai ótemaqylardy aýdarý jumysy jalǵasatyn bolady.
Resmi tirkeýsiz jáne komissiialyq aktiler jasalmai qus tumaýynan ólgen qanattylardyń óleksesi joiylǵan jaǵdaida ótemaqy tólenbeitinin atap ótken jón. Ótemaqy tólemderin alý tártibi týraly QR Aýyl sharýashylyǵy ministrligi qus ielerine óziniń resmi saity jáne buqaralyq aqparat quraldary arqyly aǵymdaǵy jyldyń 17 qyrkúieginde málim etken bolatyn.
Buǵan deiin habarlanǵandai, QR AShM Veterinariialyq baqylaý jáne qadaǵalaý komiteti qustardy vaktsinatsiialaýǵa 7,7 mln doza vaktsina, onyń ishinde aqpan aiynda veterinarlyq is-sharalar jospary boiynsha qus tumaýyna qarsy vaktsinatsiialaýǵa 3,3 mln doza bólingen.
Vaktsinatsiialaý joǵarǵy patogendi qus tumaýy tirkelgen oshaqtarda, QR-nyń birqatar shekaralas oblystarynyń aýdandaryndaǵy qus sharýashylyqtarynda, qus fabrikalarynyń ainalasynda 20 km radiýsta jáne qonys aýdaratyn jabaiy qustardyń baǵyty boiynsha júrgizildi.
4 tamyzda Resei Federatsiiasynda qus tumaýynyń joǵary patogendi virýsynyń órshýine bailanysty QR AShM Veterinariialyq baqylaý jáne qadaǵalaý komiteti Cheliabi oblysynan, al 26 tamyzda Omby oblysynan tiri qustardy, qus sharýashylyǵy ónimderin jáne ilespe taýarlardy alyp kelýge jáne olardyń tranzitine shekteý engizdi.
QR AShM qus tumaýynyń qozdyrǵyshy Qazaqstan aýmaǵyna soltústikten ońtústikke qonys aýdaratyn jabaiy qustar arqyly kelgenin atap ótti.
2020 jyldyń qyrkúieginde joǵary patogendi qus tumaýy álemniń 26 elinde anyqtaldy (barlyǵy 459 oshaq). Resei Federatsiiasynda 1,5 millionnan astam qus qyryldy.
