Aqtaýda turǵynnan birneshe ai boiy aqsha talap etip kelgen er adam ustaldy, dep habarlaidy ult.kz.
Polisia.kz málimetinshe, Mańǵystaý oblysy politsiia departamentiniń uiymdasqan qylmysqa qarsy kúres basqarmasynyń qyzmetkerleri arnaiy jasaq jaýyngerlerimen birlesip, bopsalaý kúdigimen er adamdy qolǵa túsirgen.
Aldyn ala málimet boiynsha, kúdikti birneshe ai boiy jábirlenýshige kúsh qoldanyp, odan 200 myń teńge talap etken.
Jedel is-shara barysynda kúdikti Aqtaýdaǵy biznes-ortalyqtardyń biriniń mańynda ustaldy. Onyń avtokóligin tekserý kezinde jábirlenýshi buǵan deiin bergen 100 myń teńge tabylyp, tárkilendi.
Atalǵan fakti boiynsha qylmystyq is qozǵaldy. Kúdikti ýaqytsha ustaý izoliatoryna qamaldy.
Qazirgi ýaqytta tergeý jalǵasyp jatyr.
