اقتاۋدا تۇرعىننان بٸرنەشە اي بويى اقشا تالاپ ەتٸپ كەلگەن ەر ادام ۇستالدى, دەپ حابارلايدى ult.kz.
Polisia.kz مەلٸمەتٸنشە, ماڭعىستاۋ وبلىسى پوليتسييا دەپارتامەنتٸنٸڭ ۇيىمداسقان قىلمىسقا قارسى كٷرەس باسقارماسىنىڭ قىزمەتكەرلەرٸ ارنايى جاساق جاۋىنگەرلەرٸمەن بٸرلەسٸپ, بوپسالاۋ كٷدٸگٸمەن ەر ادامدى قولعا تٷسٸرگەن.
الدىن الا مەلٸمەت بويىنشا, كٷدٸكتٸ بٸرنەشە اي بويى جەبٸرلەنۋشٸگە كٷش قولدانىپ, ودان 200 مىڭ تەڭگە تالاپ ەتكەن.
جەدەل ٸس-شارا بارىسىندا كٷدٸكتٸ اقتاۋداعى بيزنەس-ورتالىقتاردىڭ بٸرٸنٸڭ ماڭىندا ۇستالدى. ونىڭ اۆتوكٶلٸگٸن تەكسەرۋ كەزٸندە جەبٸرلەنۋشٸ بۇعان دەيٸن بەرگەن 100 مىڭ تەڭگە تابىلىپ, تەركٸلەندٸ.
اتالعان فاكتٸ بويىنشا قىلمىستىق ٸس قوزعالدى. كٷدٸكتٸ ۋاقىتشا ۇستاۋ يزولياتورىنا قامالدى.
قازٸرگٸ ۋاقىتتا تەرگەۋ جالعاسىپ جاتىر.
