Foto: Tengrinews.kz
Almatyda turǵyn úi keshenin salǵysy kelgen qurylys kompaniiasy atyshýly kósheni turǵyndarǵa qaitaryp berdi, - dep habarlaidy Tengrinews.kz portaly.
Áńgime Timiriazev pen Sátbaev kósheleriniń arasynda ornalasqan Politehnicheskaia kóshesi týraly bolyp otyr. Bostandyq aýdanynyń turǵyndarymen kezdesýinde qala ákimi Erbolat Dosaev almatylyqtar bul joldy qaita paidalana alatynyn aitty.
"Byltyr jeltoqsannyń basynda Politehnicheskaia kóshesiniń jabylýy qoǵamda rezonans týdyrdy. Qurylys salýshynyń jobasy boiynsha seriktestikke tiesili bul kósheniń bir bóligi jabylyp, oǵan eki turǵyn úi kesheni salynady dep josparlanǵan bolatyn.
Qurylys salýshy jobany ózgertti, qazirgi ýaqytta kóshe ashyq, kompaniianyń jeke qarajaty esebinen jol bóligi qalpyna keltirildi. Aqpannyń aiaǵyna deiin jer telimi qalanyń kommýnaldyq menshigine beriledi", - dedi megapolis basshysy.
