Ulttyq kásibi mýzyka ónerimizdiń qarashańyraǵy Qazaqstannyń eńbek sińirgen ujymy, Dúniejúzilik jáne Halyqaralyq konkýrstardyń laýreaty, «Halyqtar dostyǵy» ordendi Qurmanǵazy atyndaǵy Qazaq memlekettik akademiialyq halyq aspaptary orkestri 2016 jyldyń 23 qarashasy kúni tuńǵysh ret Respýblika Saraiynda QR Táýelsizdiginiń 25 jyldyq mereitoiyna jáne Almaty qalasynyń 1000 jyldyǵyna arnaǵan «Uly dala murasy» atty merekelik kontsertin ótkizedi.
Qazaqstan Respýblikasy Táýelsizdiginiń 25 jyldyq mereitoiy halqymyz úshin eń basty ári qundy mereke. Táýelsiz elimiz shirek ǵasyrǵa jýyq ýaqyt ishinde biik belesterdi baǵyndyryp, tolaǵai jetistikterge qol jetkizdi. Orkestr ujymy osy kontsertin el tarihynda oryn alǵan Táýelsizdik merekesine jáne mádeni astanamyz bolǵan Almaty shaharynyń 1000 jyldyǵyna arnap otyr. Eki bólimge qurylǵan kontserttiń shymyldyǵy tól shyǵarmalarmen ashylyp, ekinshi bólimi klassikalyq shyǵarmalarmen jalǵasyn tabady. Kontserttiń ereksheligi klassikalyq shyǵarmalardyń qazaq orkestrimen oryndalýynda.
«Uly dala murasy» dep atalatyn 83-shi kontserttik maýsymnyń ashylý saltanatyna dástúrli ánshilik mekteptiń ókilderi - Nurjamal Úsenbaeva, Sáýle Janpeiisova, Erlan Rysqali, dástúrli kúishilik mekteptiń ókilderi - Turar Álipbaev, Bilál Ysqaqov, Batyrjan Myqtybaev, Nurjan Janpeiisov, Sabira Bibatyrova, Halyqaralyq konkýrstardyń laýreattary - Aqaisha Jurbai, Asel Raqymjan, Farhat Kýbiev, Dýlat Toqanov, Azamat Malyshev, Gúlnur Kóshenova jáne A.Jubanov atyndaǵy daryndy balalarǵa arnalǵan mektep internatynyń balalar hory qatysady.
Orkestrdiń bas dirijery, «Daryn» Memlekettik Jastar syilyǵynyń iegeri – Arman Júdebaev, dirijer Qazaqstannyń eńbek sińirgen qairatkeri - Janas Bekenturov, QR mádeniet qairatkeri - Jeksen Aisyn.
Kontsertti QR mádeniet qairatkeri Turarbek Hairaliev jáne Qymbat Dosjan júrgizedi.
Resmi qoldaýshylar: Almaty qalasynyń ákimdigi, Almaty qalasy mádeniet basqarmasy jáne «Qazmedia ortalyǵy».
"Ult-aqparat"
