Biyl ulttyq mýzyka mádenietiniń maqtanyshy – Qurmanǵazy atyndaǵy Qazaq memlekettik akademiialyq halyq aspaptar orkestriniń qurylǵanyna 85 jyl bolady.
Ulttyq óner ordasy qazirgi ýaqytta Resei eline gastroldik saparmen barýǵa daiyndyq ústinde.
Qazaq orkestriniń Resei elindegi alǵashqy kontserti 3 mamyr kúni Máskeý qalasynda, ataqty «Gelikon-Opera» sahnasynda ótedi dep josparlanyp otyr. Al, kelesi kontsert – 5 mamyr kúni, Sankt – Peterbýrg qalasynda, áigili Mihailovskii teatr sahnasynda jalǵasyn tabady.
Kontserttik baǵdarlamada orys halyq ánderi, qazaqtyń Qurmanǵazy, Túrkesh, Úkili Ybyrai, Nurǵisa Tilendiev siiaqty ańyz tulǵalardyń shyǵarmalary, Evgenii Brýsilovskii, Petr Chaikovskii, Vasilii Solovev – Sedoi, Djoakkino Rossini, Antonio Vivaldi, Leonard Bernstain, Lýidji Arditi syndy shetel kompozitorlarynyń týyndylary oryndalatyn boldy.
Ulttyq óner aspandaityn keshte – QR Halyq ártisi Nurjamal Úsenbaeva, qazaq óneriniń qairatkerleri Miras pen Quralai, QR Eńbek sińirgen qairatkeri Batyrjan Myqtybaev, halyqaralyq baiqaýlardyń laýreattary Kairat Kakimov, Satjan Shamenov, Ásel Rahymjan jáne Álibek Álmadiev óner kórsetetin bolady.
Orkestr Máskeý men Sankt–Peterbýrg qalalarynan keiin Batys Qazaqstan oblysyna at basyn burmaq.
Batys óńirine uiymdastyrylatyn kontsertter ýaqyty:
7 mamyr - BQO, Terekti aýdany, Mádeniet úii, saǵat 18.00
8 mamyr – ORAL QALASY, «Jastar saraiy», saǵat 19.00
9 mamyr – BQO, Syrym aýdany (Jympity), Mádeniet úii, saǵat 15.00
10 mamyr – BQO, Kaztalovka aýdany, Mádeniet úii, saǵat 17.00
11 mamyr – BQO, Jańaqala aýdany, Mádeniet úii, saǵat 12.00
11 mamyr – BQO, Aqjaiyq aýdany, Mádeniet úii, saǵat 18.00
12 mamyr – BQO, Báiterek aýdany, Mádeniet úii, saǵat 12.00
Qurmanǵazy orkestriniń gastroldik kontsertteri Qazaqstan Respýblikasy Mádeniet jáne sport ministrliginiń qoldaýymen ótedi.
