Elbasy N.Á.Nazarbaevtyń «Rýhani jańǵyrý» baǵdarlamasy aiasyndaǵy «Jahandaǵy zamanaýi qazaqstandyq mádeniet» Halyqaralyq joba barysynda QR Mádeniet jáne sport ministrliginiń qoldaýymen Qurmanǵazy atyndaǵy Qazaq memlekettik akademiialyq halyq aspaptary orkestri Ózbekstan Respýblikasynyń Samarqand, Tashkent qalalaryna gastroldik saparǵa attandy.
Biyl - Qazaqstan Respýblikasy men Ózbekstan Respýblikasy arasyndaǵy ekijaqty diplomatiialyq qatynastyń ornatylǵanyna 25 jyl.
Aǵymdaǵy jyldyń 23-24 qarasha kúnderi orkestr ujymy ózbek halqy kórermenderine «Birligimiz jarasqan» atty kontserttik baǵdarlamany usynatyn bolady.
Kontserttiń baǵdarlamasy – tól shyǵarmalardan, álemniń klassikalyq kompozitorlarynyń eń úzdik jarqyn týyndylarynan jáne ózbek halqynyń halyq ánderinen turady.
Kontsertke Qazaqstannyń eńbek sińirgen qairatkeri – Súndet Baiǵojin, Ózbekstannyń eńbek sińirgen artisi – Jeńisbek Piiazov, Memlekettik «Daryn» jastar syilyǵynyń laýreaty – Batyrjan Myqtybaev, Respýblikalyq konkýrstardyń laýreattary: Aqaisha Jurbai, Aqbota Serikbolovalar qatysady. Orkestrdiń bas dirijeri Memlekettik «Daryn» jastar syilyǵynyń laýreaty – Arman Júdebaev, dirijer Mádeniet qairatkeri – Jeksen Aisyn.
