2017 jyldyń 19-26 naýryzy aralyǵynda Bolgariia Respýblikasynyń Plovdiv, Sofiia, Varna qalalarynda tuńǵysh ret Qurmanǵazy atyndaǵy Qazaq memlekettik akademiialyq halyq aspaptary orkestriniń «Uly dala áýenderi» atty gastroldik kontsertteri ótedi.
Ústimizdegi jyly Qazaqstan Respýblikasy men Bolgariia Respýblikasy arasyndaǵy diplomatiialyq qatynastardyń ornatylǵanyna 25 jyl. Atalǵan mereitoiǵa orai uiymdastyrylyp otyrǵan gastroldik sapar QR Mádeniet jáne sport ministrligi, QR Bolgariia Respýblikasyndaǵy Elshiliginiń tikelei qoldaýymen júzege asyp otyr.
Gastroldik sapardyń maqsaty – Qazaqstan jáne Bolgariia arasyndaǵy ózara tiimdi yntymaqtastyqty keńeitý men tereńdetý, memleketter arasyndaǵy mádeni ózara bailanysty nyǵaitý. Qazaq óneriniń tól mádenietin keńinen nasihattaý. Elimizde ótetin EHRO 2017 Halyqaralyq mamandandyrylǵan kórmesiniń mańyzdylyǵyn aishyqtaý.
Gastroldik sapar nátijesi boiynsha tájiribe almasý maqsatynda óner ujymdary men memorandýmǵa qol qoiylyp, ózara áriptestikti damytý maqsatynda jumys júrgiziletin bolady.
«Uly dala áýenderi» dep atalatyn kontserttiń baǵdarlamasy halyq kúileri men qatar Qurmanǵazy, Túrkesh, Shámshi Qaldaiaqov, Ahmet Jubanov, NurǵisaTilendiev, Tólegen Muhamedjanov syndy qazaq kompozitorlarynyń jáne men álemniń klassik kompozitorlary Jorj Bize, Antonio Vivaldi, Imre Kalman, Iogann Shtraýs, Andersonnyń shyǵarmalarynan quralyp otyr. Sonymen qatar, bolgar halqynyń halyq ánderi men folklorlyq shyǵarmasy oryndalady.
Is-sharaǵa Qurmanǵazy orkestri men qatar Qazaqstannyń eńbek sińirgen artisi – Maira Muhamedqyzy, Qazaqstannyń eńbek sińirgen qairatkerleri – Jeńis Ysqaqova, Erlan Rysqali, Memlekettik «Daryn» jastar syilyǵynyń iegeri – Batyrjan Myqtybaev, Respýblikalyq jáne Halyqaralyq konkýrstardyń laýreatty – Aǵaisha Jurbai, Asel Raqymjan qatysady. Orkestrdiń bas dirijeri – Memlekettik «Daryn» jastar syilyǵynyń iegeri – Arman Júdebaev, dirijer Qazaqstannyń eńbek sińirgen qairatkeri – Janas Bekenturov.
Qosymsha aqparat alý úshin myna telefondarǵa bailanysýǵa bolady:
Almaty qalasy, Bógenbai batyr kóshesi 158, Qurmanǵazy atyndaǵy Qazaq memlekettik akademiialyq halyq aspaptary orkestri 8(727)390-06-47, 87076316064.
Gastrol kestesi:
20 naýryz, Plovdiv qalasynyń Drama teatry, saǵ:19.00
22 naýryz Sofiia qalasy Bolgariia zaly, saǵ:19.00
24 naýryz Varna qalasy Festival jáne kongress ortalyǵy, saǵ:19.00
