Atyraý oblystyq Memlekettik kirister departamenti bastyǵynyń orynbasary bolyp Qurmanǵali Tasmaǵambetov taǵaiyndaldy, dep habarlaidy "Ult aqparat" departamenttiń Facebook-tegi paraqshasyna silteme jasap.
Qurmanǵali Nurǵaliuly 1959 jyldyń 12 maýsymynda Gýrev oblysy (qazirgi Atyraý) Mahambet aýdany Novobogat aýylynda dúniege kelgen. 1984 jyly Gýrev pedagogikalyq institýtyn fizika pániniń muǵalimi mamandyǵy boiynsha bitirgen. 2011 jyly Atyraý munai jáne gaz institýtyn ekonomist mamandyǵymen aiaqtaǵan. Eńbek jolyn 1984 jyly orta mektepte muǵalim bolyp bastaǵan.
1986-1988 jyldary aralyǵynda Mahambet aýdanynyń mekteparalyq oqý-óndiristik kombinatynyń muǵalimi, 1988-1991 jyldary Mahambettegi syrttai-keshki mekteptiń direktory, 1991-1992 jyldary Mahambet OÓK sheberi bolyp jumys istegen.
1992-1995 jyldary Mahambet aýdanynyń filmotekasyn basqarsa, 1995-1997 jyldar aralyǵynda «Merei» firmasyna jetekshilik etken.
2002-2019 jyldar aralyǵynda Atyraý jáne Aqtóbe oblysynda Kedendik baqylaý departamentin basqaryp, Mańǵystaý oblystyq Memlekettik kirister departamenti bastyǵynyń orynbasary qyzmetin atqarǵan.
