«Barys» búgin Qurlyqtyq hokkei ligasyndaǵy kezekti oiynyn syrt aidynda Reseidiń TsSKA (Máskeý) komandasymen ótkizdi, dep habarlaidy QazAqparat.
Kezdesý barysynda reseilik klýb tizgindi óz qolyna alýǵa tyrysty. Nátijesinde olardyń qatarynan Nikita Nesterov 10, Anton Slepyshev 12-minýttarda qos shaiba soǵyp ketti.
Ekinshi kezeńde qazaqstandyq klýb hokkeishileri tarazy basyn teńestirýge umtyldy. Oiynnyń 30-minýtynda Kiortis Valk esep aiyrmasyn qysqartty.
Úshinshi kezeńde «Barys» hokkeishileri alǵa qarai umtyldy. Aldymen 41-minýtta Iakob Berglýnd tarazy basyn teńestirse, odan keiin Darren Dits 42, 43-minýtta kózdegen nysanadan múlt ketken joq.
Al 44-minýtta TsSKA oiynshysy Matvei Gýskov «Barys» qaqpasynan sańylaý tapty. Oiynnyń 50-minýtynda qazaqstandyq Álihan Ásetov basymdyqty arttyrsa, 59-minýtta Iakýb Lilia qorytyndy esepti belgiledi.
Osylaisha «Barys» qarsylasyn 6:3 esebimen jeńdi.
Endi elordalyq klýb 16 qyrkúiekte syrt aidynda Latviianyń «Dinamo» (Riga) komandasymen kezdesedi.
Eki komanda búginge deiin 25 márte sheberlik baiqasty. Onyń jeteýi «Barystyń» basymdyǵymen aiaqtalsa, qalǵanynda reseilik klýbtyń mereii ústem boldy.
Eske salsaq, týrnirdiń elordada ótken biylǵy alǵashqy tórt oiynynyń úsheýinde «Barys» qarsylastaryna esep jiberip qoidy.
