«Barys» búgin, 8 qyrkúiekte qurlyqtyq hokkei ligasyndaǵy kezekti oiynynda elordada Reseidiń «Amýr» (Habarovsk) komandasyn qabyldady, dep habarlaidy QazAqparat.
Eki komanda búginge deiin 40 márte sheberlik baiqasty. Onyń 12-y «Barystyń» basymdyǵymen aiaqtalsa, qalǵanynda reseilik klýbtyń mereii ústem boldy.
Aita keterligi, elordalyq klýb atalǵan komandamen ótkizgen sońǵy tórt kezdesýdiń úsheýinde qarsylasynan basym tústi.
Osyndai sátti oiyndar búgin de jalǵasty. Oiynnyń alǵashqy minýtynan elordalyq hokkeishiler qarsylastar qaqpasy mańynda boi kórsetti.
Nátijesinde 1-minýtta Kiortis Valk mergendik tanytty. Odan keiin 5-minýtta Álihan Ásetov esepti ústemelei tústi.
Ekinshi kezeńniń 22-minýtynda qazaqstandyq Arkadii Shestakov basymdyqty arttyrdy. «Amýr» sapynan Gleb Zyrianov arada nebári 17 cekýnd ótkende esep aiyrmasyn qysqartty.
Reseilik Vladimir Galýzin 59-minýtta gol soqty. Dese de budan keiin «Amýrdyń» tarazy basyn teńestirýge múmkindigi bolǵan joq.
Osylaisha «Barys» qarsylasynan 3:2 eesbimen basym tústi.
Endi «Barys» 11 qyrkúiekte elordada Reseidiń «Spartak» (Máskeý) komandasyn qabyldaidy.
Eske salsaq, alǵashqy oiynynda 3 qyrkúiekte «Barys» elordada Reseidiń «Salavat Iýlaev» klýbyna 1:5 esebimen ese jiberdi.
Odan keiin elordada Reseidiń «Metallýrg» (Magnitogorsk) klýbyna 1:2 esebimen jeńildi.
