«بارىس» بٷگٸن, 8 قىركٷيەكتە قۇرلىقتىق حوككەي ليگاسىنداعى كەزەكتٸ ويىنىندا ەلوردادا رەسەيدٸڭ «امۋر» (حاباروۆسك) كومانداسىن قابىلدادى, دەپ حابارلايدى قازاقپارات.
ەكٸ كوماندا بٷگٸنگە دەيٸن 40 مەرتە شەبەرلٸك بايقاستى. ونىڭ 12-ى «بارىستىڭ» باسىمدىعىمەن اياقتالسا, قالعانىندا رەسەيلٸك كلۋبتىڭ مەرەيٸ ٷستەم بولدى.
ايتا كەتەرلٸگٸ, ەلوردالىق كلۋب اتالعان كوماندامەن ٶتكٸزگەن سوڭعى تٶرت كەزدەسۋدٸڭ ٷشەۋٸندە قارسىلاسىنان باسىم تٷستٸ.
وسىنداي سەتتٸ ويىندار بٷگٸن دە جالعاستى. ويىننىڭ العاشقى مينۋتىنان ەلوردالىق حوككەيشٸلەر قارسىلاستار قاقپاسى ماڭىندا بوي كٶرسەتتٸ.
نەتيجەسٸندە 1-مينۋتتا كيورتيس ۆالك مەرگەندٸك تانىتتى. ودان كەيٸن 5-مينۋتتا ەليحان ەسەتوۆ ەسەپتٸ ٷستەمەلەي تٷستٸ.
ەكٸنشٸ كەزەڭنٸڭ 22-مينۋتىندا قازاقستاندىق اركاديي شەستاكوۆ باسىمدىقتى ارتتىردى. «امۋر» ساپىنان گلەب زىريانوۆ ارادا نەبەرٸ 17 cەكۋند ٶتكەندە ەسەپ ايىرماسىن قىسقارتتى.
رەسەيلٸك ۆلاديمير گالۋزين 59-مينۋتتا گول سوقتى. دەسە دە بۇدان كەيٸن «امۋردىڭ» تارازى باسىن تەڭەستٸرۋگە مٷمكٸندٸگٸ بولعان جوق.
وسىلايشا «بارىس» قارسىلاسىنان 3:2 ەەسبٸمەن باسىم تٷستٸ.
ەندٸ «بارىس» 11 قىركٷيەكتە ەلوردادا رەسەيدٸڭ «سپارتاك» (مەسكەۋ) كومانداسىن قابىلدايدى.
ەسكە سالساق, العاشقى ويىنىندا 3 قىركٷيەكتە «بارىس» ەلوردادا رەسەيدٸڭ «سالاۆات يۋلاەۆ» كلۋبىنا 1:5 ەسەبٸمەن ەسە جٸبەردٸ.
ودان كەيٸن ەلوردادا رەسەيدٸڭ «مەتاللۋرگ» (ماگنيتوگورسك) كلۋبىنا 1:2 ەسەبٸمەن جەڭٸلدٸ.
