«Barys» búgin Qurlyqtyq hokkei ligasyndaǵy kezekti oiynyn Reseide «Amýr» (Habarovsk) komandasyna qarsy ótkizdi, dep habarlaidy QazAqparat.
Kezdesý barysynda qos komanda jeńiske jetý múmkindigin izdedi. Bir-biriniń qaqpasy aldynda jii shabýyl uiymdastyrdy.
Nátijesinde 32-minýtta Kirill Savitskii mergendigimen kózge tústi. Budan keiin ekinshi kezeńde tablodaǵy esep ózgergen joq.
Osylaisha «Barys» qarsylasynan 1:0 esebimen basym tústi.
Eske salsaq, budan buryn eki komanda arasyndaǵy sońǵy bes kezdesýdiń tórteýinde qazaqstandyq klýb jeńiske jetti.
Komandalar búginge deiin 41 márte sheberlik baiqasty.
Onyń 22-i «Barystyń» basymdyǵymen aiaqtalsa, qalǵanynda reseilik klýbtyń mereii ústem boldy.
Eske salsaq, qazaqstandyq klýb budan buryn Reseidiń «Admiral» (Vladivostok) komandasynan basym tústi.
«Barys» endi elordada 3 qarashada Finliandiianyń «Iokerit» komandasyn qabyldaidy.
