قۇرلىقتىق حوككەي ليگاسى: «بارىس» «امۋر» كومانداسىن جەڭدٸ

«بارىس» بٷگٸن قۇرلىقتىق حوككەي ليگاسىنداعى كەزەكتٸ ويىنىن رەسەيدە «امۋر» (حاباروۆسك) كومانداسىنا قارسى ٶتكٸزدٸ, دەپ حابارلايدى قازاقپارات.

كەزدەسۋ بارىسىندا قوس كوماندا جەڭٸسكە جەتۋ مٷمكٸندٸگٸن ٸزدەدٸ. بٸر-بٸرٸنٸڭ قاقپاسى الدىندا جيٸ شابۋىل ۇيىمداستىردى. 

نەتيجەسٸندە 32-مينۋتتا كيريلل ساۆيتسكيي مەرگەندٸگٸمەن كٶزگە تٷستٸ. بۇدان كەيٸن ەكٸنشٸ كەزەڭدە تابلوداعى ەسەپ ٶزگەرگەن جوق.

وسىلايشا «بارىس» قارسىلاسىنان 1:0 ەسەبٸمەن باسىم تٷستٸ. 

ەسكە سالساق, بۇدان بۇرىن ەكٸ كوماندا اراسىنداعى سوڭعى بەس كەزدەسۋدٸڭ تٶرتەۋٸندە قازاقستاندىق كلۋب جەڭٸسكە جەتتٸ.

كوماندالار بٷگٸنگە دەيٸن 41 مەرتە شەبەرلٸك بايقاستى. 

ونىڭ 22-ٸ «بارىستىڭ» باسىمدىعىمەن اياقتالسا, قالعانىندا رەسەيلٸك كلۋبتىڭ مەرەيٸ ٷستەم بولدى.

ەسكە سالساق, قازاقستاندىق كلۋب بۇدان بۇرىن رەسەيدٸڭ «ادميرال» (ۆلاديۆوستوك) كومانداسىنان باسىم تٷستٸ.  

«بارىس» ەندٸ ەلوردادا 3 قاراشادا فينلياندييانىڭ «يوكەريت» كومانداسىن قابىلدايدى.