Búgin astanalyq «Barys» Qurlyqtyq hokkei ligasyndaǵy kezekti oiynyn Reseide «Admiral» (Vladivostok) komandasyna qarsy ótkizdi, dep habarlaidy QazAqparat.
Kezdesý barysynda qazaqstandyq komanda senimdi oiyn kórsetti. Shabýyl shebinde kóbirek qimyldap, gol soǵý múmkindigin izdedi.
Alǵashqy kezeńde Dmitrii Gýrkov 11-minýtta «Barysty» alǵa shyǵardy. Odan keiin 29-minýtta Iakob Bertlýnd esepti ústemelei tústi. Al 32-minýtta Darren Dits mergendik tanytty. Osylaisha alǵashqy eki kezeńde elordalyq hokkeishiler qarsylasyn úsh gol aiyrmasymen jeńip turdy.
Úshinshi kezeńde «Admiral» sapynan Djosh Kestner 41-minýtta kózdegen nysanadan múlt ketken joq. Kelesi kezekte elordalyq Dinmuhamed Qaiyrjan 55-minýtta basymdyqty arttyra tústi.
Osylaisha «Barys» qarsylasynan 4:1 esebimen basym tústi.
Endi «Barys» 30 qazanda Reseide «Amýr» (Blagoveshensk) komandasymen kezdesedi.
