بٷگٸن استانالىق «بارىس» قۇرلىقتىق حوككەي ليگاسىنداعى كەزەكتٸ ويىنىن رەسەيدە «ادميرال» (ۆلاديۆوستوك) كومانداسىنا قارسى ٶتكٸزدٸ, دەپ حابارلايدى قازاقپارات.
كەزدەسۋ بارىسىندا قازاقستاندىق كوماندا سەنٸمدٸ ويىن كٶرسەتتٸ. شابۋىل شەبٸندە كٶبٸرەك قيمىلداپ, گول سوعۋ مٷمكٸندٸگٸن ٸزدەدٸ.
العاشقى كەزەڭدە دميتريي گۋركوۆ 11-مينۋتتا «بارىستى» العا شىعاردى. ودان كەيٸن 29-مينۋتتا ياكوب بەرتلۋند ەسەپتٸ ٷستەمەلەي تٷستٸ. ال 32-مينۋتتا داررەن ديتس مەرگەندٸك تانىتتى. وسىلايشا العاشقى ەكٸ كەزەڭدە ەلوردالىق حوككەيشٸلەر قارسىلاسىن ٷش گول ايىرماسىمەن جەڭٸپ تۇردى.
ٷشٸنشٸ كەزەڭدە «ادميرال» ساپىنان دجوش كەستنەر 41-مينۋتتا كٶزدەگەن نىسانادان مٷلت كەتكەن جوق. كەلەسٸ كەزەكتە ەلوردالىق دٸنمۇحامەد قايىرجان 55-مينۋتتا باسىمدىقتى ارتتىرا تٷستٸ.
وسىلايشا «بارىس» قارسىلاسىنان 4:1 ەسەبٸمەن باسىم تٷستٸ.
ەندٸ «بارىس» 30 قازاندا رەسەيدە «امۋر» (بلاگوۆەششەنسك) كومانداسىمەن كەزدەسەدٸ.
