QR Parlamenti Senatynyń depýtaty Aqylbek Kúrishbaev bilik partiiasy ataýynyń «Amanat» bolyp ózgerýine qatysty pikir bildirdi, dep habarlaidy "Ult aqparat".
«Búgin partiianyń ataýy ǵana ózgergen joq, eń bastysy, onyń máni men jumysynyń mazmuny da ózgermek. Áitpese, basqasha bolmaidy! Biz elimizde júieli saiasi transformatsiia júrip jatqanyn, oligarhtardyń ekonomikasy quldyrap jatqanyn túsinýimiz qajet. Eń bastysy, biz halyqtyń ózi memlekettik biliktiń qainar kózine ainalatyn ádil demokratiialyq qoǵam qurýǵa bet alamyz
Bul jaǵdaida biliktegi partiia qalaisha ózgerissiz qalmaq?! "Amanat" degen ataýdyń ózi - ata-babalar murasyn saqtap, onyń qundylyqtaryn oryndaý degendi ǵana bildirmeidi, halyqtyń úmitin aqtap, múddesin qyzǵyshtai qorǵaidy. Sondyqtan, eń aldymen, bul jańarǵan partiia halyqtyń senimin qaitara alýy tiis.
Búgin Memleket basshysy Q.Toqaev aitqandai: «Partiianyń rebrendingi – bul onyń ataýyn ózgertip, mańdaishasyn aýystyrý ǵana emes. Birinshi kezekte - barlyq partiia isin qaita qurý», - dedi senator.
