Foto: aikyn.kz
Qurban ait kúnderi jaǵdaiy kelmeitin adamdarǵa qaryz alyp qurbandyq shalý mindet emes. Bul týraly Qazaqstan musylmandary dini basqarmasy ýaǵyz-nasihat bóliminiń meńgerýshisi Batyrjan Mansurov aitty, dep habarlaidy "Ult aqparat".
«Qaryz alyp qurban shalý mindet emes. Óitkeni qurban shalý úshin adamnyń jaǵdaiy bolýy kerek. Múmkindigi bar adam ǵana qurban shalǵany jón. Al jaǵdaiy bolmasa, qaryzdanyp qurban shalýdyń qajeti joq.
Alaida qurban shalýdyń saýabynan qur qalmaiyn, men de qurban shalaiyn degen maqsatta qaryz alsa, ol bolady. Biraq shamasyna qaraýy kerek», - dedi Mansurov ortalyq kommýnikatsiialar qyzmetinde ótken brifingte.
Sondai-aq múftiiat ókili qurban shalmai, onyń aqshasyn sadaqa retinde berýge bolmaitynyn atap ótti.
"Qurbandyq kezinde qurban shalýdaǵy maqsat – qan aǵyzý. Úsh kún ishinde qurban shalýymyz mindet, onyń ornyna sadaqa etip bere almaimyz. Sadaqa retinde qurbandyq qarajaty júrmeidi", - dedi Mansurov.
Ol zulhijja aiynyń qasietti kúnderi qosymsha sadaqa berile beretinin de aitty.
"Alaida Qurban ait kezinde qurbandyq aqshasyn sadaqa retinde bere almaimyz. Shamamyz kelse, qurbandyqqa mal shalý - ol ýájip", - dep túsindirdi bólim meńgerýshisi.
Aita keteri, biyl qasietti Qurban aittyń alǵashqy kúni 28 maýsymǵa túsip tur.
