فوتو: aikyn.kz
قۇربان ايت كٷندەرٸ جاعدايى كەلمەيتٸن ادامدارعا قارىز الىپ قۇرباندىق شالۋ مٸندەت ەمەس. بۇل تۋرالى قازاقستان مۇسىلماندارى دٸني باسقارماسى ۋاعىز-ناسيحات بٶلٸمٸنٸڭ مەڭگەرۋشٸسٸ باتىرجان مانسۇروۆ ايتتى, دەپ حابارلايدى "ۇلت اقپارات".
«قارىز الىپ قۇربان شالۋ مٸندەت ەمەس. ٶيتكەنٸ قۇربان شالۋ ٷشٸن ادامنىڭ جاعدايى بولۋى كەرەك. مٷمكٸندٸگٸ بار ادام عانا قۇربان شالعانى جٶن. ال جاعدايى بولماسا, قارىزدانىپ قۇربان شالۋدىڭ قاجەتٸ جوق.
الايدا قۇربان شالۋدىڭ ساۋابىنان قۇر قالمايىن, مەن دە قۇربان شالايىن دەگەن ماقساتتا قارىز السا, ول بولادى. بٸراق شاماسىنا قاراۋى كەرەك», - دەدٸ مانسۇروۆ ورتالىق كوممۋنيكاتسييالار قىزمەتٸندە ٶتكەن بريفينگتە.
سونداي-اق مٷفتييات ٶكٸلٸ قۇربان شالماي, ونىڭ اقشاسىن ساداقا رەتٸندە بەرۋگە بولمايتىنىن اتاپ ٶتتٸ.
"قۇرباندىق كەزٸندە قۇربان شالۋداعى ماقسات – قان اعىزۋ. ٷش كٷن ٸشٸندە قۇربان شالۋىمىز مٸندەت, ونىڭ ورنىنا ساداقا ەتٸپ بەرە المايمىز. ساداقا رەتٸندە قۇرباندىق قاراجاتى جٷرمەيدٸ", - دەدٸ مانسۇروۆ.
ول زۇلحيججا ايىنىڭ قاسيەتتٸ كٷندەرٸ قوسىمشا ساداقا بەرٸلە بەرەتٸنٸن دە ايتتى.
"الايدا قۇربان ايت كەزٸندە قۇرباندىق اقشاسىن ساداقا رەتٸندە بەرە المايمىز. شامامىز كەلسە, قۇرباندىققا مال شالۋ - ول ۋەجٸپ", - دەپ تٷسٸندٸردٸ بٶلٸم مەڭگەرۋشٸسٸ.
ايتا كەتەرٸ, بيىل قاسيەتتٸ قۇربان ايتتىڭ العاشقى كٷنٸ 28 ماۋسىمعا تٷسٸپ تۇر.
