Aqmeshit kóshesiniń qasyndaǵy Nurjol jelekjolynda Qazaqstan, Resei, Qyrǵyzstan, Ózbekstan jáne AQSh turǵyndarymen tolyqtai bailanysqan eko-shyrsha paida boldy, dep habarlaidy qala ákimdiginiń resmi saity.
Jasyl tústi eko-shyrsha tolyǵymen qolmen bailanǵan. Ony qurýǵa 300-ge jýyq adam qatysty, olar sońǵy birneshe kúnde master-klasstarda toqýdy úirendi. Aitpaqshy, jobany halyqaralyq dep ataýǵa bolady.
Qazaqstandyqtardan bólek oǵan Resei, Qyrǵyzstan, Ózbekstan jáne tipti AQSh turǵyndary da qatysty.
Toqylǵan sulýlyqtyń biiktigi logotippen birge 7 metr. Ol 170 myńǵa jýyqt ilmekterden turady. Shyrshany toqýshylar onyń ózine jáne oiynshyqtar jasaý úshin 400-den astam iirilgen jipterdi qoldandy.
Eko-shyrshanyń avtory jáne ideialyq shabyttandyrýshysy áleýmettik kásipker Rahima Mýkýsheva jáne Bergen áleýmettik sheberhanasy bolyp tabylady. Jobany Nur-Sultan qalasynyń ákimdigi jáne elordanyń mádeniet basqarmasy janyndaǵy kreativti indýstriialardy damytý ortalyǵy qoldady.
