Ulybritaniiada jeke málimetterdiń urlanýy rekordtyq deńgeige jetken. Alaiaqtyqtyń aldyn alý qyzmeti byltyr 190 myń jaǵdaidy tirkegen. Qylmyskerler kóbine qupiiasózderdi dál taýyp áreket etken. «Tsifrlyq ómirde jeke aqparatty endi qalai qorǵai alamyz?», dep jazady VVS.
Gartner zertteý kompaniiasy habarlaǵandai, 2022 jylǵa qarai barlyq iri komaniia qupiiasózderge táýeldilikten 60% arylatyn bolady.
«Qupiiasóz - alaiaqtar qoldanatyn eń qarapaiym ádis. Adamdar ońai este saqtalatyn paroldi tańdaidy, sáikesinshe, olardy buzý da ońai», - deidi biometriialyq sáikestendirý qyzmetiniń mamany Djeison Týli. Onyń aitýynsha, qupiiasózden bas tartý tek qaýipsizdikti ǵana kúsheitip qoimai, IT bólimderge qupiiasózdi qaita qalpyna keltirýge ýaqyt jumsamaýǵa múmkindik beredi.
Eýroodaq engizgen jańa ereje boiynsha, tólem jasaý direktivasynda klienttiń biometriialyq nemese tek ózi ǵana biletin (pin kod) málimetterin qoldaný bekitilgen.
2019 jyly júrgizilgen halyqaralyq jahandyq zertteý nátijelerine sáikes, qazirgi tańda biometriiaǵa qyzyǵýshylyq artqan. Bankterdiń 67%-y saýsaq tańbasy, daýys nemese bet pishindi taný sekildi biometriialyq júielerge investitsiia salǵan.
«Degenmen, Shanhaida ótken kiberqaýipsizdik konferentsiiasynda biometriialyq málimetterdiń de urlanýy múmkin ekeni belgili boldy. Mysaly, saýsaq tańbasynyń birneshe metrden túsirilgen sýreti júieni op-ońai aldai alady», - deidi mamandar.
Olardyń atap ótýinshe, qaýipsizdikti arttyrý úshin birneshe faktordy qamtityn qorǵanysqa basymdyq berý kerek.
