ۇلىبريتانييادا جەكە مەلٸمەتتەردٸڭ ۇرلانۋى رەكوردتىق دەڭگەيگە جەتكەن. الاياقتىقتىڭ الدىن الۋ قىزمەتٸ بىلتىر 190 مىڭ جاعدايدى تٸركەگەن. قىلمىسكەرلەر كٶبٸنە قۇپيياسٶزدەردٸ دەل تاۋىپ ەرەكەت ەتكەن. «تسيفرلىق ٶمٸردە جەكە اقپاراتتى ەندٸ قالاي قورعاي الامىز?», دەپ جازادى ۆۆس.
Gartner زەرتتەۋ كومپانيياسى حابارلاعانداي, 2022 جىلعا قاراي بارلىق ٸرٸ كومانييا قۇپيياسٶزدەرگە تەۋەلدٸلٸكتەن 60% ارىلاتىن بولادى.
«قۇپيياسٶز - الاياقتار قولداناتىن ەڭ قاراپايىم ەدٸس. ادامدار وڭاي ەستە ساقتالاتىن پارولدٸ تاڭدايدى, سەيكەسٸنشە, ولاردى بۇزۋ دا وڭاي», - دەيدٸ بيومەترييالىق سەيكەستەندٸرۋ قىزمەتٸنٸڭ مامانى دجەيسون تۋلي. ونىڭ ايتۋىنشا, قۇپيياسٶزدەن باس تارتۋ تەك قاۋٸپسٸزدٸكتٸ عانا كٷشەيتٸپ قويماي, IT بٶلٸمدەرگە قۇپيياسٶزدٸ قايتا قالپىنا كەلتٸرۋگە ۋاقىت جۇمساماۋعا مٷمكٸندٸك بەرەدٸ.
ەۋرووداق ەنگٸزگەن جاڭا ەرەجە بويىنشا, تٶلەم جاساۋ ديرەكتيۆاسىندا كليەنتتٸڭ بيومەترييالىق نەمەسە تەك ٶزٸ عانا بٸلەتٸن (پين كود) مەلٸمەتتەرٸن قولدانۋ بەكٸتٸلگەن.
2019 جىلى جٷرگٸزٸلگەن حالىقارالىق جاھاندىق زەرتتەۋ نەتيجەلەرٸنە سەيكەس, قازٸرگٸ تاڭدا بيومەتريياعا قىزىعۋشىلىق ارتقان. بانكتەردٸڭ 67%-ى ساۋساق تاڭباسى, داۋىس نەمەسە بەت پٸشٸندٸ تانۋ سەكٸلدٸ بيومەترييالىق جٷيەلەرگە ينۆەستيتسييا سالعان.
«دەگەنمەن, شانحايدا ٶتكەن كيبەرقاۋٸپسٸزدٸك كونفەرەنتسيياسىندا بيومەترييالىق مەلٸمەتتەردٸڭ دە ۇرلانۋى مٷمكٸن ەكەنٸ بەلگٸلٸ بولدى. مىسالى, ساۋساق تاڭباسىنىڭ بٸرنەشە مەتردەن تٷسٸرٸلگەن سۋرەتٸ جٷيەنٸ وپ-وڭاي الداي الادى», - دەيدٸ ماماندار.
ولاردىڭ اتاپ ٶتۋٸنشە, قاۋٸپسٸزدٸكتٸ ارتتىرۋ ٷشٸن بٸرنەشە فاكتوردى قامتيتىن قورعانىسقا باسىمدىق بەرۋ كەرەك.
