Batys Qazaqstan oblysyndaǵy «Syrym» avtokólik ótkizý beketinde meditsinalyq jeke qorǵanys quraldaryn zańsyz shyǵarmaq bolǵan 15 júk kóligi ustaldy, dep habarlaidy "Ult aqparat".
Júk kólikterin 1-16 mamyr aralyǵynda QR UQK Shekara qyzmetimen birlesip Batys Qazaqstan oblysy boiynsha Memlekettik kirister departamentiniń qyzmetkerleri ustaǵan.
«Tekseris kezinde quny 2,2 million AQSh dollary (1 mlrd teńgege jýyq) somasyna teń
1 millionnan astam jeke qorǵanys quraldary (meditsinalyq betperdeler, respiratorlar jáne t.b) anyqtaldy.
Memlekettik shekaradan ótý kezinde tasymaldaýshy salyq tóleýden jaltarý maqsatynda jalǵan elektrondyq shot-faktýralardy toltyrǵan. Budan basqa, tasymaldanatyn taýarǵa ruqsat qujattary bolmaǵan.
JShS basshysy seriktestiktiń tirkeýine jáne qarjy-sharýashylyq jumysyna qatysy joq bolyp shyqty.
Elimizdiń biýdjetine keltirilgen zalal JShS-niń barlyq eksporttyq operatsiialarynan shamamen 284 million teńgege jetken», - delingen QR Qarjy ministrligi Memlekettik kirister komitetiniń málimetinde.
Zańsyz kásipkerlik qyzmettiń oryn alýyna bailanysty qujattar protsessýaldyq sheshim qabyldaý úshin Batys Qazaqstan oblysy boiynsha Ekonomikalyq tergeý qyzmetine berildi.
